صلاح السعدني من مدرج الزراعه لعمدة الفن ومرور سنه على رحيله
النهارده بتعدي سنة كامله على رحيل الفنان الكبير صلاح السعدني، اللي غاب عن دنيتنا يوم 19 أبريل 2024، عن عمر ناهز 81 سنه الرحله بدأت بصدفه بسيطه جمعته بزميله عادل إمام فى كلية الزراعه، ومن هنا اتغير كل حاجه، وساب الزراعة ومسك طريق التمثيل.
السعدني من مواليد 1943 في المنوفيه، دخل كلية الزراعه لكن قلبه كان مع التمثيل، وبدأ يمثل على مسرح الجامعه، وهناك ظهرت موهبته، خصوصًا لما وقف جنب عادل إمام، واللي اصبح بعدين الزعيم، وهو بقى العمده.
صلاح دخل عالم الاحتراف في الستينيات، وأول دور ليه كان في مسرحيه لوكاندة الفردوس وبعدها بدأ ياخد أدوار أكتر في التلفزيون والسينما والمسرح قدم أعمال كتير زي الباطنيه والناس في كفر عسكر وحلم الجنوبي مسلسل أبنائي الأعزاء شكرا اللي خلى الناس تحبه أكتر.
شارك كمان في أفلام تقيله زي الأرض والرصاصه لا تزال في جيبي وعلى مدار مسيرته قدم أكتر من 150 عمل فني، وفضل دايمًا عايش في قلوب الناس ببساطته وموهبته الفريده.
