النهارده عزاء الفنان سليمان عيد بمسجد الشرطه بالشيخ زايد
النهارده بعد صلاه المغرب على طول، هتستقبل أسره الفنان الراحل سليمان عيد العزاء فيه بمسجد الشرطه في الشيخ زايد، بعد ما اتوفى امبارح بسبب وعكه صحيه مفاجأه.
العزاء متوقع يكون فيه حضور كبير من نجوم الفن، وكمان من نقابتي المهن التمثيليه والموسيقية، عشان يقدمو واجب العزاء ويواسو أسره الفنان اللي كان ليه بصمه واضحه في مشواره الفني.
وأسرة سليمان عيد خصصت مكان بره المسجد للمصورين والصحفيين، عشان يسهل عليهم شغلهم من غير ما يضايقو المعزين، وخلت قاعه العزاء جوه للمقربين بس.
سليمان عيد اتولد يوم 17 أكتوبر 1968 في حي الكيت كات، وبدأ مشواره الفني في التمانينات، وكانت انطلاقته الحقيقيه مع عادل إمام في فيلم الإرهاب والكباب سنة 92.
شارك بعد كده في أفلام زي طيور الظلام وهمام في أمستردام والنوم في العسل، غير كمان مسلسلات كتير ومسرحيات، وعدى رصيده 150 عمل فني.
آخر عمل ليه كان فيلم فار بـ7 أرواح اللي لسه بيعرض في السينمات، وشارك فيه عدد كبير من النجوم، وبيتقدم في إطار كوميدي خفيف.
