رامي جمال يتعاون مع أحمد المالكي في أغنيته الجديدة هاتتهني
النجم رامي جمال شوق جمهوره بأغنيته الجديدة اللي هيتعاون فيها مع الشاعر أحمد المالكي، وهي أغنية بعنوان هاتتهني من ألحانه وتوزيع الموسيقى لوسام عبد المنعم، ومن المقرر إنه هيتم طرحها على منصات السوشيال ميديا قريبًا.
ومن ناحية تانية، رامي جمال طرح أغنيتين جديدتين مؤخرًا، الأولى بعنوان مش مجرد حب من كلمات رمضان محمد وألحان محمود أنور وتوزيع أسامة الخطيب، والتانية حياتي الحلوة احتفالًا بالعام الجديد، اللي كلماتها كانت لحسام سعيد وألحان الراحل محمد النادي وتوزيع يحيى يوسف، اللي كانت حققت نجاح كبير زي باقي أغانيه اللي تعاون فيها مع الراحل محمد النادي زي من كتير وحبيبي تعالى
رامي جمال حقق نجاحات كبيرة في 2024، ومسيرته الغنائية مش محتاجة كلام، فهو من اهم النجوم في مصر والوطن العربي، ومش بس مطرب، كمان ملحن مبدع لعدد كبير من المطربين زي إليسا، نوال الزغبي، شيرين عبد الوهاب، آمال ماهر، وأنغام، وغيرهم.
ألبومه الأخير خليني أشوفك اللي نزل في أبريل 2024 كان بمثابة وش السعد عليه، وحقق نجاح كبير من أول يوم طرحه، وضّم مجموعة متنوعة من الأغاني اللي نجحت بشكل لافت، زي خليني أشوفك بقول وأكدب وفستانك أبيض
