تامر عاشور بيستعد لجوله حفلات في مصر والخليج خلال الفتره الجايه
النجم تامر عاشور بيحضر دلوقتي لسلسله حفلات جديده هيقدّمها لجمهوره في كذا بلد، أولها في مصر وبعدها هيتجه على الكويت والسعوديه، وسط حماس وترقب كبير من جمهوره اللي دايمًا مستنيه.
أول حفله لتامر هتكون يوم 21 أبريل في نادي من نوادي القاهره، وبعدها بأيام هيغني يوم 25 أبريل في الشيخ زايد وبعدين هيسافر الكويت عشان حفله يوم 13 يونيو، وهيختم الجوله بحفل كبير في السعوديه خلال عيد الفطر.
وخلال الحفلات دي، تامر ناوي يقدم اشهر أغانيه اللي حافظها الجمهور عن ظهر قلب زي ياه حبيبي القديم الله يحنن حبك رزق أنا مكرهتوش ويوم ما تنسى وكمان هيغني أغاني من ألبومه الجديد.
الألبوم اللي نزل مؤخرًا على اليوتيوب والسوشيال ميديا بعنوان ياه وحقق نسب مشاهده عاليه، وتعاون فيه مع نخبه من الشعراء والملحنين والموزعين الكبار.
يُذكر إن أغنيته هيجيلي موجوع حققت نجاح ساحق السنه اللي فاتت، وكانت تريند فتره طويله، واتكلم عنها ناس كتير على السوشيال ميديا، وانتشرت في الشارع بطريقه كبيره.
