بهاء سلطان طرح أغنيه جديده من ألبومه رسيني اسمها اترموا واللي كتبها أحمد عيسى، ولحنها مدين، ووزعها أحمد عادل، وده بيكون التعاون الخامس اللي بيجمعهم سوا، واللي دايمًا بيقدموا فيه شغل مميز بيحبّه الجمهور.
ومن جهه تانيه، بهاء بيعيش حاله من النشاط الفنى الكبير بعد ما نجح تتر مسلسل ولاد الشمس بعنوان صحبى يا صحبى واللي اتعلق بيه جمهور المسلسل بشكل كبير، وحقق نسب استماع عاليه جداً على تطبيق Spotify، من أول ما نزل يوم 12 مارس، والملفت كمان إن الأغنيه مش بس نجحت في مصر، لأ كمان إندونيسيا جات في المرتبه التانيه بعدد المستمعين، وده بيدل على الانتشار الواسع للأغنيه.
المسلسل من بطولة أحمد مالك، طه دسوقى، محمود حميده، ومجموعه كبيره من النجوم، ومن تأليف مهاب طارق وإخراج شادى عبد السلام، ومن إنتاج شركة United Studios.
بهاء صرّح إنه فرحان جدًا بالنجاحات اللي عايشها اليومين دول، وقال في تصريح لليوم السابع أنا بعمل اللي عليا، والتوفيق والنجاح دايمًا من عند ربنا
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
