مدبولي يتفقد مصانع العاشر ويشيد بالتقدم في دعم الصناعه المصريه
بدأ صباح النهارده الدكتور مصطفى مدبولي، رئيس مجلس الوزراء، جولة تفقديه لمجموعه مصانع في مدينة العاشر من رمضان، وكان معاه الفريق المهندس كامل الوزير، نائب رئيس الوزراء للتنميه الصناعيه ووزير الصناعه والنقل، والدكتوره ناهد يوسف، رئيس الهيئه العامه للتنميه الصناعيه، وكمان دعاء سليمه، المدير التنفيذي لمركز تحديث الصناعه.
مدبولي قال إن الزياره هتشمل مصانع في مجالات كتير زي الأدوية، الصناعات الغذائيه، ومعدات الكهربا، والبنيه التحتية، وكمان النقل، وأكد إن الحكومه ماشيه بخطى سريعه عشان تدعم الصناعه وتسهّل على المستثمرين خطوات إنشاء المصانع الجديده.
وأكد برضو إن فيه اقبال كبير من المستثمرين سواء مصريين أو أجانب على الاستثمار في الصناعه، وده بيدل على إن الإصلاحات بدأت تجيب نتيجه وقال كمان إن المصانع دي بتنتج للسوق المحلي وكمان بيتم تصدير جزء كبير من الانتاج للخارج، وده بيزود دخل الدوله من العمله الصعبه.
وفي نهايه جولته، عبّر مدبولي عن فخره باللي اتحقق لحد دلوقتي، وقال إن الصناعه بقت ركيزه أساسيه في دعم الاقتصاد المصري.
