فيران توريس بيضرب بقوه ويسجل هدف حلو ف مرمى سيلتا فيغو
ف ماتش كان كله حماس وسخونه، قدر فيران توريس مهاجم فريق برشلونه يسجل هدف جميل ف مرمى سيلتا فيغو، على ملعب مونتجويك الاولمبي، وده ف إطار منافسات الدوري الإسباني.
الهدف جه من تسديده صاروخيه ماقدرش حارس مرمى سيلتا يصدها، وخدت الجماهير كلها ف حاله فرح وهتاف كبير.
ورغم إن توريس مش بيبدأ أساسي كتير، إلا إنه دايمًا لما بينزل بيعمل فرق، وده الهدف العاشر ليه الموسم ده فالليغا، رقم مش بسيط خالص بالنسبه للاعب مش بيشارك أساسي دايمًا.
توريس بيثبت كل مره إنه مهاجم مش عادي، وبيعرف يستغل أي فرصه تتجيله، وده اللى بيخلي جمهور البرسا مبسوط بأداءه.
وكتير من الجمهور شايفين إنه يستحق فرصه أكبر يكون أساسي ف الفريق، خصوصًا وإنه دايمًا بيسجل أهداف مهمه.
المدرب فليك لسه بيجرب تشكيله ويغير بين اللعيبه، بس وجود فيران ف الدكه بيخلي عنده ورقه رابحه يقدر يستخدمها ف أي وقت والجمهور كمان بيضغط عشان يشوفه أكتر ف الملعب من أول الماتش.
البرسا كمل الماتش بأداء قوي، وكان واضح إن الهدف رفع الروح المعنويه، والتيم كله اشتغل على الضغط والهجوم المستمر والنتيجه دي بتقرب برشلونه أكتر من مراكز المنافسه ف الدوري، وبتخلي أمل الجماهير يزيد.
توريس قال بعد الماتش إنه دايمًا بيكون جاهز، وإنه مش مهم يبدأ ولا لأ، المهم يفيد الفريق.
