برشلونه يتقدم وسيلتا بيرد بسرعه ف شوط أول مشتعل جدآ
في ملعب مونتجويك الاولمبي، واللي بيستضيف مواجهه قويه بين برشلونه وسيلتا فيغو، ضمن منافسات الجوله رقم ٣٢ من الدوري الاسباني، المباراه شغاله دلوقتي والنتيجه متعادله ١-١ بعد ربع ساعه بس من البدايه.
البارسا بدأ اللقاء بحماس كبير وضغط من اول دقيقه، وفعلا قدر يترجم تفوقه لهدف أول عن طريق فيران توريس اللي سجل من تسديده صاروخيه سكنت الشباك، وده كان ف الدقيقه ١٠، وسط فرحه جماهيريه كبيره ف المدرجات.
لكن فرحة الكتلان مكمّلتش كتير، سيلتا فيغو رجع بسرعه ورد بهدف التعادل عن طريق بورخا ايغليسياس، اللي سجل ف الدقيقه ١٥ بعد كره مرتده سريعه استغل فيها دفاع برشلونه اللي كان مش مركز، وحط الكوره جوه مرمى تير شتيجن.
اللقاء مولع، والفرقتين بيهاجموا، وفيه سرعه وتحولات كتيره، وكل فرصه فيها ريحه الجون، وسط تألق من بعض اللعيبه خصوصا ف النص الملعب، ووضوح الرغبه ف خطف التلات نقط من الجانبين.
برشلونه بيحاول يفرض سيطرته ويضغط عشان يرجع يتقدم تاني، وسيلتا ف المقابل مش ساكت، وبيحاول يضرب ف المرتدات السريعه، والمباراه واعده بمزيد من الأهداف والاثاره لو فضلت بنفس الرتم العالي ده.
لسه في وقت كتير، والجمهور مستني يشوف من اللي هيقدر يحسم المواجهه دي، خصوصا ف ظل منافسه شرسه ع المراكز الأوروبيه.
