توريس يضرب اولآ والبارسا يبدأ المباراه قدام سيلتا بقوه وحماس
برشلونه بيلعب دلوقتي ضد سيلتا فيغو ف ملعب مونتجويك الاولمبي، ضمن الجوله الـ ٣٢ من منافسات الدوري الاسباني، والمباراه لحد دلوقتي مشتعله من اول دقيقه تقريبا، والضغط واضح من ناحيه البارسا.
وبعد محاولات سريعه من اول صافره، قدر النجم الاسباني فيران توريس يفتتح التسجيل لفريقه عند الدقيقه ١١، بتسديده جامده من بره المنطقه سكنت الشباك، وسط فرحه كبيره من الجماهير اللى مليه المدرجات النهارده.
الهدف جه نتيجه ضغط مستمر من لعيبة برشلونه ف نص ملعب سيلتا، واللي باين عليه التوتر ف البدايه ومش قادر يخرج بالكوره بسهوله، خصوصا مع تواجد جندوجان وبيدري ف النص.
توريس بيأكد انه دايمآ حاضر ف اللحظات المهمه، رغم انه مش بيبدأ كل ماتش، بس كل مره بيلعب فيها بيثبت وجوده وبصمته، وده الهدف رقم ١١ ليه ف الليجا الموسم ده، رقم كويس جدا بالنسبه للاعب مش اساسي دايمآ.
سيلتا بيحاول يرجع للمباراه، وفعلا كان ليه هجمه خطيره بعد الهدف مباشره لكن الدفاع لحق الموقف، ويبدو إن الشوط الاول هيكون نار لو استمر اللعب بنفس السرعه دي.
الجمهور مستمتع بالمستوى، والمدربين واضح انهم بيجربوا كذا تكتيك ف اول نص ساعه، وكل حاجه لسه ممكن تتغير لان اللقاء مفتوح والفرقتين عندهم دوافع كبيره.
