باريس داخل يقفلها بدري وخطه هجومية قويه ضد لوهافر الليله
بعد شويه، هيبدأ فريق باريس سان جيرمان مباراته ضد لوهافر ع ملعب حديقة الامراء، ف إطار منافسات الجوله رقم ٣٠ من الدوري الفرنسي، والماتش ده مهم بالنسبه لباريس خصوصاً إنه عايز يحسم اللقب بدري ويركز على دوري الأبطال.
المدرب لويس إنريكي ناوي يدخل اللقاء بخطه واضحه هجوميآ، وبيحاول يضغط من أول دقيقه عشان يخلصها بدري، ومتوقع يشوف الجمهور طريقه لعب ٤-٣-٣، بوجود مبابي ف الأمام، ومعاه ديمبلي وجونسالو راموس كأجنحه سريعه.
الوسط هيبقى فيه فابيان رويز وفيتينيا ووراءهم أوغارتي، عشان يعمل توازن ف نص الملعب ما بين الدفاع والهجوم.
الدفاع متكون من حكيمي ونونو مينديز على الأطراف، ومعاهم ماركينيوس وسكرينيار ف القلب، وحراسة المرمى طبعآ لدوناروما.
باريس ناوي يقفل الملعب قدام لوهافر اللى بيحاول يهرب من الهبوط، لكن الفرق ف المستوى والإمكانيات واضح جدا.
لوهافر ممكن يعمل مفاجأه لو قدر يمتص ضغط أول ربع ساعه، بس باريس شكله مركز ومش ناوي يهزر، خصوصا وإنه عايز يجهز نفسيآ لمباراته القادمه ف دوري الأبطال.
الجمهور متحمس، والماتش بالنسبالهم فرصه يشوفوا فريقهم بيكمل مسيره الانتصارات ف الدوري، والكل مستني يشوف مبابي هيعمل ايه، يمكن يسجل ويرفع رصيده التهديفي قبل ما يودع باريس.
