قال الصحفي الشهير فابريزيو رومانو إن الإتحاد البرازيلي لسه بيحاول بكل الطرق عشان يجيب المدرب الإيطالي كارلو أنشيلوتي، يكون هو المدرب اللي هيمسك المنتخب البرازيلي في بطولة كاس العالم الجايه سنة 2026.
الاتحاد بقاله فتره بيكلم ناس قريبه من أنشيلوتي وبيبعت وفود رايحه جايه على مدريد، عشان يقنعوه إنه يسيب ريال مدريد وياخد المنصب ده، رغم إنه لسه عنده عقد ومكمل مع الفريق الملكي.
الصحفي رومانو قال كمان إن الأسبوع اللي جاي ممكن يكون مهم جداً في الموضوع ده، والضغط من البرازيل هيكمل، لكن القرار النهائي في الآخر راجع لأنشيلوتي نفسه، وهل هيختار يكمل مع الريال ولا يجرب حظه مع منتخب البرازيل اللي دايمًا بيطمع يجيب كاس العالم.
بس لو أنشيلوتي قال “لأ”، الاتحاد البرازيلي مش هيقف، لأن في بديل جاهز على طول، واللي هو خورخي خيسوس، مدرب الهلال السعودي، واللي بيقدّم شغل كويس جداً مع فريقه ومحقق نتائج ممتازة في الدوري السعودي، وده خلاه يدخل ضمن الحسابات.
واضح إن البرازيل مش سايبه حاجه للصدفه، وعايزه مدرب كبير يقود الجيل الجاي، خصوصًا بعد الخيبات اللي فاتت، وبتفكر من دلوقتي في طريقها للبطوله الجايه.
دلوقتي كل العيون على مدريد، ومستنيين قرار أنشيلوتي، اللي ممكن يغير شكل البرازيل كله.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
