كولر التعادل مع صنداونز نتيجه كويسه وهنحسمها ف القاهره
اكد مارسيل كولر، المدير الفني للنادي الأهلي، إن التعادل السلبي قدام صنداونز الجنوب أفريقي، في ماتش ذهاب نصف نهائي دوري أبطال أفريقيا، يعتبر نتيجه مش وحشه، خصوصًا إن الفريق خرج بشباك نضيفه.
وقال كولر ف المؤتمر الصحفي بعد الماتش انا مبسوط إننا خلصنا اللقاء من غير ما نستقبل أهداف، وكمان كان عندنا فرص نكسب بيها وكنا نقدر نسجل، لكن التعادل السلبي مش نتيجه سيئه
وأضاف اللعيبه أدت ماتش كويس جدًا، وكنا ملتزمين تكتيكيًا ف الملعب، صنعنا فرص كتير واتسجل لنا اهداف بس اتلغت، بس رغم كده النتيجه دي تعتبر إيجابيه لينا
واختتم كولر كلامه وقال نجهز نفسنا دلوقتي لماتش العوده في القاهره، وإن شاء الله نحقق الفوز ونتأهل للنهائي، ولازم نكون مستعدين كويس
وكان الأهلي تعادل مع صنداونز بدون أهداف على ملعب الأخير، وده بيدي الأفضلية نسبيًا للفريق المصري قبل ماتش العوده اللي هيتلعب في القاهرة، واللي هيكون حاسم للتأهل لنهائي البطوله.
