ليفربول بيطارد واتكينز لتعويض نونيز ف الانتقالات الصيفيه الجايه
نادي ليفربول بيدرس تدعيم هجومه الصيف اللي جاي، وبيفكر جدياً في ضم أولي واتكينز مهاجم أستون فيلا، اللي عنده 29 سنه، وقدم موسم قوي مع فريقه، سجل فيه 17 هدف وكمان صنع 11 تمريره حاسمه ف كل البطولات.
رغم الأداء القوي لواتكينز، إلا إن المدرب أوناي إيمري قرر مؤخرًا إنه مايعتمدش عليه بشكل أساسي، وده خلى اللاعب يفكر بجدية ف الرحيل، خصوصًا مع اهتمام ليفربول بيه، بعد ما فشلت مفاوضات ضم المهاجم السويدي ألكسندر إيزاك.
وبحسب واتكينز منفتح على فكره الانتقال من الفيلانز وده خلى ليفربول يشوف فيه بديل مناسب في حال رحيلد اروين نونيز ، اللي بيتقال إنه قريب من الخروج من الأنفيلد الصيف الجاي.
يُذكر إن واتكينز كان مطلوب قبل كده في آرسنال ف الميركاتو الشتوي اللي فات، بس أستون فيلا رفض وقتها عرض الجانرز
وبكده، ممكن يبقى واتكينز هو السلاح الجديد لهجوم الريدز خصوصًا مع رغبه النادي في تجديد دماء الخط الأمامي ف ظل التغيرات اللي بتحصل داخل الفريق.
