تشيلسي قرّب يخلص مع نجم دورتموند الشاب جيمي جيتنز الصيف الجاي
تشيلسي بقى قريب جدًا من حسم صفقه التعاقد مع الجناح الإنجليزي الصاعد جيمي جيتنز، نجم بوروسيا دورتموند، خلال انتقالات الصيف الجاي جيتنز عنده 20 سنه وكان من ناشئي تشيلسي زمان، قبل ما يروح لمان سيتي وبعدها لدورتموند فـ 2022، فـ صفقه كانت بـ4 مليون يورو.
صحيفة بيلد الألمانيه قالت إن تشيلسي هو الأقرب لضم اللاعب، اللي موقع ترانسفير ماركت قدّر قيمته السوقيه بـ50 مليون يورو، بس في كلام إن البلوز ناويين يقدموا عرض يوصل لـ100 مليون!
اللاعب شارك الموسم ده فـ 44 ماتش بين الدوري المحلي ودوري الأبطال وكأس ألمانيا، سجل فيهم 12 جول وصنع 5، وأثبت إنه واحد من أبرز المواهب الهجوميه في أوروبا حاليًا.
الاهتمام بجيجنز مش جديد، لكن تحركات تشيلسي دلوقتي بقت جديه جدًا، خصوصًا إنهم عايزين يدعموا الجبهه الهجوميه بلاعب سريع وموهوب، ويكون استثمار طويل المدى.
لو الصفقة تمت، هيرجع جيتنز لبيته القديم، بس المرّه دي نجم فـ الفريق الأول، مش ناشئ.
