ليفربول عنده أفضلية فـ سباق ضم المدافع الشاب دين هويسين
تقارير صحفيه كشفت إن ليفربول بقى الأقرب فـ سباق التعاقد مع المدافع الإسباني الصاعد دين هويسين، لاعب بورنموث، خلال الانتقالات الصيفيه الجايه هويسين عنده 19 سنه، وعقده مع بورنموث فيه شرط جزائي بقيمه 50 مليون جنيه إسترليني، وبيتنافس عليه أكتر من نادي كبير زي ريال مدريد وكمان ليفربول.
الصحفي المعروف فابريزيو رومانو قال إن اللاعب بيفضّل يكمل في البريميرليج الموسم الجاي، وده بيدّي أفضلية واضحه لليفربول في حسم الصفقه.
من ناحيه تانيه، تقارير إنجليزيه قالت إن ليفربول ناوي يقوّي خط الدفاع في الصيف، حتى لو تم تجديد عقد القائد فان دايك، يعني محتاجين عنصر شاب زي هويسين يدخل في المنظومه الدفاعيه.
هويسين شارك الموسم ده فـ 30 ماتش مع بورنموث في كل البطولات، سجل جولين وصنع جول كمان، وبيتمتع بقوه بدنيه وسرعه لفتت أنظار الأندية الأوروبيه.
الصفقه لسه ما خلصتش رسمي، بس واضح إن ليفربول هو الأقرب، خصوصًا مع رغبه اللاعب فـ البقاء فـ إنجلترا.
