فاجئ نادي كارديف سيتي جماهيره النهارده لما أعلنوا إن آرون رامسي، النجم الويلزي، بقى مدرب للفريق الأول، وكمان لسه لاعب يعني الراجل هيكون لابس بدلة التدريب والفانلة في نفس الوقت، بس الإصابة مانعاه يشارك حاليًا.
رامسي، اللي عنده 34 سنة، رجع لكارديف بداية الموسم بعقد لحد صيف 2025، لكن الإصابات خلت مشاركته محدوده جدًا، لعب 8 ماتشات بس ومامسكش ولا هدف ولا أسيست.
النادي نشر بيان رسمي وقال فيه إن رامسي هيمسك تدريب الفريق لحد نهاية موسم 2024-2025، في محاولة أخيره لإنقاذ الفريق من الهبوط، خصوصًا إن كارديف دلوقتي في المركز قبل الأخير بـ42 نقطه، وورا ديربي كاونتي بنقطه واحده بس.
رامسي هيقود كارديف فـ 3 ماتشات مهمين قدام أوكسفورد، وست بروميتش، ونورويتش سيتي، وهيحاول يغير مصير الفريق.
اللاعب ليه تاريخ كبير في كارديف، لأنه بدأ من هناك قبل ما يلمع مع أرسنال، وبعدها لف على فرق كبيره زي يوفنتوس ورينجرز ونيس دلوقتي بيرجع يحاول ينقذ النادي اللي بدأ منه.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
