هانز فليك مدرب برشلونه طلع بتصريحات بعد المباراه المجنونه ضد سيلتا فيغو واللي خلصت بفوز البرسا بأربعة اهداف مقابل تلاته، واللي اتلعبت مساء السبت ضمن منافسات الدوري الاسباني، وقال فيها كلام كله فخر واعتزاز باللاعيبه بعد اللي حصل في الملعب.
المدرب الألماني قال: “في المقام الاول، انا فخور جداً إننا فزنا في المباراه دي، وكمان خدنا التلات نقاط، ودا شئ مهم جدًا بالنسبه لينا، خصوصا بعد ما دخل فينا تلات اهداف، كانت مباراه صعبه ومش سهله خالص”.
كمل فليك وقال كمان: “النهارده كان صعب من أوله لآخره، بس في النهايه، عملنا كل حاجه نقدر عليها علشان ناخد التلات نقاط، ودا اللي حصل فعلًا، أنا فخور بالروح دي، وبالعقليه اللي لعب بيها الفريق”.
الجماهير كانت مبسوطه قوي بعد الريمونتادا اللي حصلت، خصوصاً إن الفريق كان خسران في لحظه، بس رجع بكل قوه وقدر يقلب النتيجه، واللي دايما بيقولوا عليه “ريمونتادا” بمعناها الحقيقي.
برشلونه كده بيكمل المنافسه بقوه على اللقب، والانتصار دا ممكن يفرق معاهم في الجولات الجايه، خصوصا لو استمروا بنفس الروح دي.
المدرب شكله بدأ يزرع الثقه جوه اللعيبه، ودا واضح جدًا في اداءهم اللي رجع تاني يبقي ممتع ومليان حماس، والكل مستني يشوف برشلونه هيعمل ايه في الجولات اللي جاية.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
