إصابة ليفاندوفسكي تصدم جمهور برشلونة قبل نهائي الكأس والكلاسيكو
اتعرض البولندي روبرت ليفاندوفسكي مهاجم برشلونه لإصابه جديده خلال مباراة فريقه ضد سيلتا فيجو، اللي إنتهت بفوز مثير وتاريخي للبارسا بـ ٤-٣ ضمن الجوله ٣٢ من الدوري الإسباني.
المدرب هانز فليك اضطر يطلع ليفاندوفسكي من الملعب في الدقيقه ٧٧ بعد ما حس بشد واضح.
صحيفة “آس” الإسبانية قالت إن التقييم المبدأي مش مبشر، وفيه شكوك إنه عنده تمزق في العضله ذات الرأسين في الفخذ الأيسر، وده معناه غيابه عن الملاعب حوالي ٣ أسابيع على الأقل.
ده بيخلي مشاركة ليفا في نهائي كأس ملك إسبانيا ضد ريال مدريد يوم ٢٦ إبريل شبه مستحيله، وكمان وجوده في نصف نهائي دوري الأبطال قدام إنتر ميلان مش أكيد خالص.
برشلونه بعد الفوز ده وصل للنقطه ٧٣ وتصدر جدول الليجا، وسيلتا فيجو وقف عند ٤٣ نقطه.
وفي أفضل الأحوال، ممكن ليفاندوفسكي يرجع يشارك قدام الريال في كلاسيكو الدوري يوم ١١ مايو على ملعب مونتجويك، بس لسه الموضوع تحت التقييم.
