بيولي ينسحب من سباق الدوري ويفكر يركز عالبطولة الآسيوية للنصر
بعد الخساره القاسيه قدام القادسية، بدأت ملامح الانسحاب تظهر على نادي النصر من سباق دوري روشن هالموسم، خصوصًا مع تراجع الفريق للمركز الثالث بـ57 نقطه.
وحسب مصادر صحفيه، المدرب الإيطالي ستيفانو بيولي ناوي يسحب نفسه من سباق الدوري ويعتمد على لاعبين الاحتياط بباقي المباريات، علشان يركز كل مجهوده مع الفريق على بطولة دوري أبطال آسيا.
القرار هذا جاي بعد ما فقد النصر أغلب حظوظه بالمنافسة على الدوري، وبات بعيد بـ8 نقاط عن المتصدر، وبيولي يشوف إن فرصة التتويج الآسيوي ممكن تعوض الموسم.
جماهير النصر منقسمه، في اللي شايف إن قرار بيولي منطقي علشان الفريق يطلع ببطوله كبيره، وفي اللي زعلان على التخلي عن المنافسه على الدوري.
النصر حالياً قاعد يشتغل بكل طاقته على تجهيز الفريق الأساسي لموقعة نصف النهائي الآسيوي، واللي تعتبر آخر أمل للنادي هذا الموسم علشان يفرح جماهيره.
الأسابيع الجايه بتحدد هل قرار بيولي بيكون صح ويجيب الذهب القاري، ولا بيزيد الطين بله.
