شهادات البنك الاهلي المصري وبنك مصر 2025 الجديدة اعلي عائد في البنوك المصرية
بعد قرار البنك المركزي المصري بخفض سعر الفايدة بنسبة 2.25% في تاني اجتماع ليه مع بداية 2025، حصلت حالة من الارتباك وسط الناس، الكل بقى عايز يعرف: الشهادات اللي كانت بتدي عائد 27% و23.5% هتفضل موجودة ولا لأ؟ وهل ممكن الفايدة ترجع تعلى تاني.
قد تشاهد: بعد قرار البنك المركزي… شهادات البنك الأهلي المصري 2025 الجديدة بعد خفض الفائدة.. تفاصيل العائد
الحكاية مش بسيطة، والقرار ده بيأثر على مدخرات ملايين المواطنين اللي شغالين يدوروا على أعلى عائد بنكي يضمن لهم دخل ثابت وسط التضخم والظروف الاقتصادية الصعبة.
شهادات البنك الأهلي المصري
البنك الأهلي المصري بيقدم شهادات تعتبر من الأعلى في العائد، خصوصًا الشهادة البلاتينية اللي مدتها سنة وبتبدأ من ألف جنيه.
- الفايدة السنوية وصلت لـ 27%
- أما الشهري فـ 23.5%
- ولو حابب تاخد العائد يومي، هيوصل لـ 23%
وفي نوع تاني عندهم اسمه “الشهادة البلاتينية المتدرجة”، مدتها 3 سنين، والعائد بيتغير من سنة للتانية:
- السنة الأولى: 26%
- التانية: 22%
- التالتة: 18%
يعني العائد بيقل مع الوقت، بس لسه بتعتبر فرصة كويسة للّي عايز يثبت مبلغ لفترة طويلة.
شهادات بنك مصر 2025
شهادة “طلعت حرب” من بنك مصر برضو شغالة بنفس القوة:
- مدتها سنة
- الحد الأدنى ألف جنيه
- العائد السنوي 27%
- والعائد الشهري 23.5%
الجميل فيها إنك تقدر تطلب بطاقة ائتمانية أو تاخد قرض بضمان الشهادة، وكمان تقدر تكسرها بعد 6 شهور وتستلم الفايدة اللي عليك.
طيب… هل في احتمال الفايدة تعلى تاني؟
الموضوع مرهون بالوضع الاقتصادي والبنك المركزي لسه عنده 3 اجتماعات تانية خلال السنة، وممكن يرفع الفايدة تاني لو التضخم رجع يزيد وبس حالياً، التوقعات كلها رايحه نحية التثبيت أو الخفض، وده يخلي الناس تفكر بسرعة تستغل الشهادات اللي لسه شغالة بالعائد العالي قبل ما تتقفل أو تتغير.
لو معاك مبلغ وبتدور على دخل ثابت، ممكن تروح للبنك الأهلي أو بنك مصر وتسأل عن الشهادات دي وبس لازم تاخد بالك من شروط الكسر، وفترة الربط، وهل انت محتاج الفلوس في وقت قريب ولا لأ وفيه ناس بتدخل كل فلوسها في الشهادات وبعد كده تندم لما تحتاج سيولة.
الوضع مش ثابت، واللي عايز يستفيد من أعلى فوايد بنكية لازم يقرر بسرعة قبل ما تتغير السياسات المالية، خصوصًا مع حالة التضخم اللي لسه مش مستقرة تمامًا.
