مفاجأة للمعاشات وزيادة جاية في الطريق؟ الحقيقة كاملة عن معاش مايو 2025
الفترة دي كتير من الناس في مصر بدأوا يدوروا على أخبار تخص معاشات شهر مايو 2025، وده بسبب كلام كتير اتقال على السوشيال ميديا عن إن الصرف هيبدأ بدري, إن في زيادة جديدة كمان والناس بطبيعتها بتحلم بزيادات تساعدهم يواجهوا الظروف الاقتصادية الصعبة وبس السؤال هنا والكلام ده حقيقي ولا إشاعات؟ تعالوا نعرف القصة كاملة سطر بسطر، ونشوف التصريحات الرسمية قالت إيه.
هل فعلاً هيتم تبكير صرف معاشات مايو 2025؟
حسب التصريحات اللي خرجت من وزارة المالية وهيئة التأمينات، المعاشات هتتصرف في موعدها الطبيعي، يعني من يوم 1 مايو 2025، ومفيش أي تغيير في المواعيد دي والعملية هتستمر زي ما هي لحد آخر الشهر، وكل مستحق يقدر يصرف المعاش من المكان اللي متعود عليه.
طب إيه حكاية الزيادة اللي الناس بتتكلم عنها
الزيادة لسه مش دلوقتي، بس فعلاً في زيادة جاية حسب المادة 35 من قانون التأمينات الاجتماعية رقم 148 لسنة 2019، واللي بتقول إن كل سنة بيبقى في زيادة في أول يوليو 2025 والسنة دي متوقع تبقى الزيادة ما لا يتجاوز 15%، يعني اللي بياخد 3000 جنيه ممكن يزيد حوالي 450 جنيه تقريبًا، بس النسبة الفعلية هتتحدد وقتها رسميًا.
أماكن صرف معاشات مايو
لو مستني المعاش، دول الأماكن اللي تقدر تسحب منه:
- ماكينات ATM
- فروع البنوك
- مكاتب البريد
- المحافظ الإلكترونية على الموبايل
- منافذ شركة فوري
ربما تشاهد: الحكومة توافق رسميًا… زيادة منحة العمالة غير المنتظمة لـ1500 جنيه بواقع 6 مرات سنويًا
استعلامك عن المعاش هيكون إزاي؟
لو حابب تتأكد من بياناتك ومعاشك لشهر مايو، اتبع الخطوات دي:
- ادخل على موقع هيئة التأمينات الاجتماعيه
- اختار “الخدمات الإلكترونية”
- دوس على “الاستعلام عن البيانات الأساسية لملف المعاش”
- اكتب الرقم القومي بتاعك صح
- دوس “استعلام” واستنى النتيجه
قد تشاهد: تفاصيل هامة لجميع المستحقين… موعد صرف المعاشات شهر مايو 2025 وموقف الزيادة المنتظرة
لحد دلوقتي مفيش أي قرار رسمي بتبكير الصرف، ولو حصل تغيير، هيئة التأمينات هتعلن عنه في بيان رسمي على موقعها أو في الإعلام، فـ متصدقش أي إشاعة من غير مصدر موثوق.
