نشرت صحيفة “بيلد سبورت” الألمانيه السبت بالليل، إن فلوريان فيرتز نجم باير ليفركوزن الشاب، محدد وجهته الجايه لو قرر يسيب فريقه، وهو حاطط ريال مدريد كخيار أول قدام كل العروض الكبيره اللي جاتله.
الصحيفه قالت إن فيرتز مش شايف مانشستر سيتي ولا بايرن ميونخ زي ريال مدريد، والسبب إنه شايف إن النادي الملكي هو الطريق الأقرب لحلمه الكبير: دوري الأبطال والكره الذهبيه.
والموضوع مش بس كده، فيرتز كمان متأثر جدا بمدربه الحالي تشابي ألونسو، واللي بيتقال إنه ممكن يدرب ريال مدريد قريب، فده ممكن يسهل انتقاله ويديله دافع أكبر.
فيرتز لسه عقده شغال مع ليفركوزن لحد 2027، وده بيخلي سعره غالي جدا، خصوصًا إن فيه شرط جزائي 125 مليون يورو، بيتفعل بس سنة 2026، يعني أي نادي عايزه دلوقتي لازم يدفع فوق الـ 100 مليون على الأقل.
الموضوع لسه في بدايته، لكن الواضح إن فيرتز عايز يشوف نفسه بالقميص الأبيض الملكي عاجلاً أو آجلاً.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
