نجوم الفن بيودعوا سليمان عيد وحزن كبير في عزاه بمدينة الشيخ زايد
بدأ من شويه عزاء الفنان الراحل سليمان عيد في مسجد الشرطه بـ الشيخ زايد، وشهد العزاء حضور كبير من نجوم الفن والإعلام، وسط حاله حزن واضحه على وشوش الكل.
الفنانين علاء مرسي وفتوح أحمد وحمدي الميرغني كانوا من أوائل اللي حضروا، واستقبلوا باقي النجوم والمعزين بنفسهم. وظهر في العزاء كمان ناس كتير من الوسط الفني، زي ليلى علوي، ميمي جمال، حازم إيهاب، إدوارد، إيهاب فهمي، محمد عبد الرحمن توتا، أمير كرارة، رامي رضوان، أحمد آدم، صابرين، هند عاكف، هشام ماجد، إسعاد يونس، خالد يوسف، منال سلامه وجوزها عادل أديب، هشام جمال، أحمد زاهر، حسن الرداد، وطارق علام.
سليمان عيد توفى صباح يوم الجمعه بعد ما جاتله أزمه صحيه مفاجئه ونقلوه المستشفى، لكنه للأسف فارق الحياه هناك.
سليمان كان من أهم الفنانين اللي قدموا الكوميديا بشكل بسيط وقريب من القلب، وكان له مشاركات في رمضان 2025 في أكتر من مسلسل زي “قهوة المحطه” و”سيد الناس”، وكمان عنده أفلام في السينما دلوقتي زي “فار بـ7 تروّاح” و”سيكو سيكو”.
