حضور فني كبير في عزاء سليمان عيد والوسط حزين على رحيله المفاجئ
إبتدى من شويه عزاء الفنان الكوميدى الراحل سليمان عيد، واللي اتعمل في مسجد الشرطه بمدينة الشيخ زايد، وشهد العزاء حضور عدد كبير من نجوم الفن والإعلام، اللي حرصوا يكونوا موجودين عشان يودعوا فنان كان له بصمه في الكوميديا المصريه.
وكان على راس الحضور الفنان علاء مرسي وفتوح احمد وحمدي الميرغني، واللي كانوا بيستقبلوا المعزين بنفسهم.
كمان حضر عدد من النجوم المعروفين زي ليلى علوي، ميمي جمال، إيهاب فهمي، حازم إيهاب، إدوارد، محمد عبد الرحمن “توتا”، أمير كرارة، هشام ماجد، صابرين، وهند عاكف.
سليمان عيد توفى فجأه يوم الجمعه الصبح بعد ما جاتله حاله صحيه صعبه ونقلوه المستشفى، لكنه للأسف ماستحملش وتوفى هناك.
وكان آخر أعماله مشاركته في رمضان 2025 في أكتر من مسلسل زي “قهوة المحطه” و”سيد الناس” مع النجم عمرو سعد، من إخراج محمد سامي.
ولسه بيتعرضله في السينما فيلم “فار بـ7 تروّاح” وفيلم “سيكو سيكو”، واللي كمل تصويرهم قبل وفاته بوقت قصير.
