عزاء الفنان سليمان عيد في مسجد الشرطه بحضور نجوم كتير من الفن
بدأ من شويه عزاء الفنان الراحل سليمان عيد، اللي بيتعمل في مسجد الشرطه بمدينة الشيخ زايد، وشهد العزاء تواجد عدد كبير من نجوم الفن اللي جم يودعوا صديقهم ويعزوا أسرته.
وكان على راس الحضور الفنان علاء مرسي، وفتوح أحمد، وحمدي الميرغني، واللي حرصوا انهم يستقبلوا المعزين بنفسهم.
كمان حضر ناس كتير من الوسط زي ليلى علوي، ميمي جمال، حازم إيهاب، إدوارد، إيهاب فهمي، ومحمد عبد الرحمن “توتا”.
الفنان سليمان عيد توفى صباح يوم الجمعه، بعد ما جاله تعب مفاجئ واتنقل على طول المستشفى لكن للأسف وافته المنيه هناك.
سليمان كان من الفنانين اللي ليهم بصمه واضحه في الكوميديا، وشارك في رمضان 2025 بأكتر من عمل منهم “قهوة المحطه” و”سيد الناس” مع عمرو سعد ومن إخراج محمد سامي، وكان بيشارك كمان في السينما بفيلمين لسه شغالين في دور العرض وهم “فار بـ 7 تروّاح” و”سيكو سيكو” رحم الله الفنان الكبير، وأسكنه فسيح جناته.
