غيابات مؤثره فـ إنتر قبل ماتش بولونيا المهم فـ سباق الدوري
إنتر ميلان داخل على مباراه صعبه قدام بولونيا في الجوله 33 من الدوري الإيطالي، بس المشكله الكبيره إنه الفريق عنده أكتر من غياب مهم ممكن يأثر على مستواه في الماتش.
القائمة بتاعة الغايبين فيها 4 لاعبين مش أي كلام، أولهم ماركوس تورام اللي كان عامل شغل عالي في الهجوم، ومعاه فالانتين كاربوني، وكمان الظهير الطاير دينيزل دومفريس، وأخيرًا اللاعب الجديد بيتور زيلينسكي.
يعني بصراحه الغيابات تقيله ومش سهله خالص.
المدرب هيكون مضطر يتصرف بتشكيله فيها تغييرات، ويحاول يسد الفراغات عشان يحافظ على مستواه العالي، خصوصًا وإن الفوز في الماتش ده ممكن يبعدهم عن نابولي أكتر ويخليهم في الصداره لوحدهم.
إنتر بيعيش موسم ممتاز، بس الإصابات دي جات في وقت حساس جدًا، والضغط بقى كبير على اللاعبين الباقيين اللي لازم يدو كل اللي عندهم عشان يطلعوا بالنقاط التلاته.
الجماهير الإنترواية قلقانه، بس كمان واثقين إن الفريق يقدر يتجاوز الغيابات دي، خصوصًا وإنهم قدموا أداء قوي في مباريات قبل كده حتى لما كانوا ناقصين.
الماتش هيكون حاسم، ولو كسبوه، هيرتاحوا شويه في سباق الدوري، بس أي تعثر ممكن يخلّي الأمور تتعقد، وده اللي كل مشجع إنتر مش عايز يشوفه دلوقتي.
