فليك يشيد بفريقه قدام سيلتا ويكشف عن سبب الهدف الوحيد
بعد الماتش القوي اللي لعبه برشلونه قدام سيلتا فيغو، واللي انتهى بفوز مهم، طلع المدرب هانز فليك يتكلم عن شوية حاجات تكتيكيه وفنيه فرقت مع الفريق طول التسعين دقيقه.
رغم إن سيلتا قدر يسجل هدف في مرمى برسا، فليك قال إن الهدف جه من شوية أخطاء بسيطه كان ممكن نتفاداها، بس في نفس الوقت أشاد بالضغط العالي اللي لعب بيه الفريق، خصوصاً من فرينكي دي يونغ وبيدري اللي كانوا دايسين طول الماتش ومغطيين مساحات كبيره في نص الملعب.
فليك أشار كمان إن فريقه دايمًا بيحاول يضغط عالي، ودي حاجه بيشتغلوا عليها في التمرينات، بس الأخطاء اللي بتحصل أحيانًا بتخلي الخصم يستغلها، وده اللي حصل في لقطة الهدف.
برغم كده، المدرب كان راضي تمام عن أداء اللاعيبه بعد ما الفريق تقدم 3-1، وقال إن اللعب في ملعب زي ملعب سيلتا دايمًا صعب، والمكسب هناك له طعم خاص، خصوصًا لما يكون الفريق متمسك ومش بيستسلم.
وفي الآخر، فليك أكد إن الفريق فعلاً قدّم كل حاجه عنده في الماتش، وإن دي العقلية اللي هو عايز يشوفها كل مره من لاعيبه.
وقال إن التطور اللي شايفه في شخصية اللاعبين وتحملهم للمسؤولية حاجه “رائعه” على حسب وصفه.
الجماهير طلعت مبسوطه، والمدرب كمان مرتاح، والماتش الجاي هيكون اختبار جديد للعقليه دي.
