بعد الفوز المثير والصعب لبرشلونه على سيلتا فيغو بـ4-3، طلع داني أولمو نجم الفريق وفتح النار على جدول المباريات المضغوط اللي عايشينه الفريق الموسم ده، واللي واضح إنه مأثر عليهم بدنيًا ونفسيًا.
أولمو قال بعد الماتش: “لما نلعب الساعه 9 بره ملعبنا، بنرجع بيوتنا متأخر جدًا، وده فعلاً حقيقه، كمان إحنا بنلعب كل تلات أيام تقريبًا، وده شيء أكيد مش بيساعد خالص، لأن الراحه مهمه جدًا عشان نقدر نكمل بنفس الإيقاع ده”.
كمل كلامه وقال: “في الآخر ده الواقع، وإحنا مطالبين نركز ونلعب، بس بصراحه، الوضع مش مثالي، ومش بيساعد الفرق على تقديم أفضل مستوى ممكن، خصوصًا مع الإرهاق اللي بيتراكم علينا من كتر الماتشات والسفر”.
تصريحات أولمو جت بعد ماتش مجهد جدًا للفريق، وقدرت برشلونه تخطف فيه الفوز بصعوبه، وده بيأكد إن حالة الإجهاد فعلاً بقت واضحه على أداء اللاعيبه، وبتأثر كمان على قرارات المدرب وخياراته في التشكيله.
جماهير البرسا بتتفق مع كلام أولمو، وبدأت تطالب الاتحاد بتنظيم أحسن للجدول، لأن الفريق بيلعب على أكتر من جبهه، وده محتاج توازن بين الأداء والراحه.
الموسم لسه فيه تحديات كتير، ولو فضل الضغط بالشكل ده، ممكن الإصابات والتعب يكونوا أكبر تحدي لبرشلونه في الجولات الجايه.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
