لامين جمال بيخطف الأنظار قدام سيلتا بأداء خرافي كالعاده
انتهى ماتش برشلونه وسيلتا فيغو اللي اتلعب على ملعب مونتجويك الأولمبي، بفوز درامي ومثير للبرسا بنتيجه 4-3 فـ الجوله الـ32 من الدوري الإسباني.
الماتش كان نار من أول دقيقه لآخر ثانيه، والكل كان بيتكلم بعده عن نجم اللقاء الصغير لامين جمال، اللي بيأكد كل مره إنه مش لاعب عادي.
لامين قدم أداء من الطراز العالي، وخلّى دفاعات سيلتا تلف حوالين نفسها، وساب بصمه واضحه فـ كل هجمة خطيره عملها برشلونه.
الأرقام اللي حققها لامين فـ الماتش كانت بتتكلم عن نفسها:
- راوغ 6 مرات ناجحه، وكلهم كانوا مؤثرين جدًا.
- مرر 3 كرات مفتاحيه خطيره كادت تكون أهداف.
- صنع هدف رائع، وكان قريب يسجل هو كمان.
- لمس الكوره أكتر من 60 مره، وكان دايمًا حاضر فـ كل لعب هجومي.
- كسب 7 التحامات فرديه ضد مدافعين سيلتا.
الولد ده بيبين كل ماتش إنه ما يخافش، بل بالعكس، عنده شخصيه كبيره وكأنه بقاله سنين بيلعب فـ الليغا.
المدرب فليك بعد الماتش شكر لامين وقال إنه شايف فيه مستقبل كبير، خصوصًا إنه ملتزم تكتيكيًا وكمان عنده جُرأة غير طبيعيه.
الجماهير كانت واقفه تصقف له بعد الماتش، والكل بقى متأكد إن برشلونه كسب جوهره نادره ممكن تكون من أعظم اللاعبين اللي جُه فـ تاريخ النادي لو استمر على نفس المستوى.
