فليك بعد الماتش: الأخطاء بتحسم الكوره وشبابنا ماستسلموش خالص
بعد ماتش برشلونه ضد سيلتا فيغو اللي خلص بنتيجه 4-3 لصالح البرسا، طلع المدرب هانزي فليك بتصريحات مهمه وكان واضح فيها إنه راضي عن المجهود الكبير اللي قدمه اللعيبه، رغم إن الماتش كان صعب جدًا وشهد أخطاء أثرت على سير اللقاء.
فليك قال بعد اللقاء: “الكوره لعبه بتتحسم بالغلطات، كل ما بنغلط، الخصم بيلاقي فرصه يسجل، يمكن الأغلاط ماكنتش كتيره، بس كانت مؤثره بشكل واضح.”
ورغم كده، المدرب الألماني رفض يدخل فـ تفاصيل الأخطاء اللي حصلت، وقال: “أنا اللي يهمني أكتر إن الناس شافوا فريق بيقاتل، ماستسلمش، وكمل لحد آخر دقيقه عشان ياخد التلات نقط.”
فليك كمل كلامه وقال: “دي الروح اللي إحنا بندور عليها، والنهارده اللعيبه قدموا حاجه تفرّح الجمهور والنادي، بصراحه إحنا مبسوطين باللي اتحقق.”
الجمهور كان واضح عليه الحماس والفرحه بعد الريمونتادا، خصوصًا إن الفريق كان متأخر، لكن رجع وسجل 4 أهداف قدام خصم عنيد زي سيلتا فيغو، والفضل بيرجع للعزيمه والإصرار اللي ظهرت فـ الفريق، واللي المدرب نفسه ركز عليها بعد الماتش.
برشلونه بيكمل مشواره فـ الليغا بأداء متذبذب أوقات، لكن الروح دي هي اللي ممكن تفرق وتدي الفريق دفعة في الجولات اللي جايه.
