فليك بعد الماتش المجنون: كان تحدي صعب بس اللعيبه قدموا أداء عظيم
بعد نهاية الماتش الصعب بين برشلونه وسيلتا فيغو، وصف المدرب هانز فليك اللقاء بـ”المجنون” وقال إن المباراة كانت لحظة مثيرة لكل عشاق الكوره، وإنه مش متأكد لو المدربين بيستمتعوا بتوتر زي ده، لكنه علق مبتسمًا: “لما تكسب، بتعشق الماتشات زي دي.”
وعن ما إذا كان الفريق عانى أكتر من المتوقع، رد فليك بثقة وقال: “لا، إحنا كنا عارفين إننا بنواجه فريق قوي جدًا، هم قدموا مستوى ممتاز في آخر 10 ماتشات، عندهم فكرة لعب واضحة والمدرب بيعمل شغل رائع، وده كان السبب في التحدي الكبير اللي واجهناه.”
تصريحات فليك كانت مليانه احترام للفريق المنافس، وأكدت في نفس الوقت رضاه عن الأداء القوي من لاعبيه.
رغم التوتر والإثارة اللي كانت موجودة في المباراة، إلا أن الفريق البرشلوني قدر يحقق الانتصار بفضل الروح القتالية والإصرار اللي ظهروا من بداية الماتش لحد آخر لحظة.
فليك أشار إن زي ده من المباريات يكون صعب، لكن في النهاية الأهم هو تحقيق التلات نقاط، وهو ده اللي حصل.
والمباراة كانت بالفعل من العيار الثقيل واللي ممكن تبقى نقطة فارقة في مسيرة الفريق.
