خلاص المواعيد اتحددت: موعد امتحانات الترم الثاني 2025 الابتدائي الاعدادي الثانوي آخر السنة قربت وده الجدول الكامل
مع اقتراب نهاية السنة الدراسية 2025، وبدء امتحانات الشهر التاني في أغلب المدارس، الكل بقى على أعصابه طلاب وأهالي بيدوروا ويبحثوا عن مواعيد امتحانات الترم التاني عشان يعرفوا هيبدأوا يذاكروا منين ولا هيضغطوا إمتى! وزارة التربية والتعليم أعلنت رسميًا المواعيد لكل المراحل من ابتدائي لإعدادي لثانوي، وسابت وقت كفاية قبل الجدول النهائي علشان الطلبة يستعدوا صح.
موعد امتحانات الترم الثاني 2025 الابتدائي
الوزارة قررت تمشي الأمور بخطتين لأول وتاني ابتدائي:
- التقييم الأول: من 11 مايو لحد 15 مايو 2025
- التقييم النهائي: من 18 مايو لحد 22 مايو 2025
يعني قدامهم أسبوعين ورا بعض، وكل مرحلة ليها هدفها سواء متابعة المستوى أو التقييم النهائي.
موعد امتحانات الترم الثاني 2025
كل صفوف النقل من الصف الثالث الابتدائي لحد الصف الثاني الثانوي، هيبدأوا امتحاناتهم من:
- السبت 24 مايو 2025
- لحد الخميس 29 مايو 2025
يعني أسبوع امتحانات مكثف، ولازم الطلبة يراجعوا كويس لأن الجدول في العادة بيكون ورا بعض.
موعد امتحانات الترم الثاني 2025 الاعدادية
طلاب تالتة إعدادي، اللي مستقبلهم بيتحدد بناءً على درجاتهم، عندهم الجدول كده:
- السبت 31 مايو لحد الأربعاء 4 يونيو 2025
يعني 5 أيام هيمشوا على نار، بس برضه عندهم فرصة كويسة يثبتوا نفسهم فيها.
موعد امتحانات الترم الثاني 2025 الثانوية
طلاب تالتة ثانوي سواء علمي أو أدبي، هيبدأوا امتحانات الدور الأول من:
- الأحد 15 يونيو 2025
- وهيكملوا لحد شهر يوليو 2025
يعني ماراثون كبير ومحتاج نفس طويل، والمذاكرة لازم تكون جد من دلوقتي , ما تستناش لحد الجدول ينزل بالتفصيل، التواريخ خلاص اتحطت، ودي فرصتك تبدأ خطة مذاكرة منظمة وسواء كنت في ابتدائي أو ثانوي، المراجعة من دلوقتي هتفرق معاك كتير.
