تسريب حوار حكم الفار وحكم الساحة بلقطة جزاء برشلونة أمام سيلتا
صحيفة الموندو الكتالونيه فجّرت مفاجأه بعد ما كشفت الحوار اللي دار بين حكم المباراه ميلرو لوبيز وحكم الفار ديل سيرو غراندي، في اللقطه اللي اتسببت في احتساب ركله جزاء لبرشلونه في مباراته الاخيره ضد سيلتا فيغو، ضمن الجوله الـ32 من الدوري الاسباني.
في بداية اللعبه، الحكم ميلرو ما شافش أي حاجه تستحق صافره، لكن بعد تدخل الفار، اتطلب منه يروح يشوف اللقطه على الشاشه، وهناك بدأ الحوار بينهم.
أول ما وقف قدام الشاشه، قال ميلرو لديل سيرو: “أعطيني أفضل ما عندك”، وبعدها شاف اللقطات من كذا زاويه، ورد وقال: “أيوه، انا شايف الضربه على ساقه من ورا، وقع اللاعب، ما لمسش الكوره، هحسبها ركله جزاء، وخلاص، بدون كرت”.
الركله دي اتقدم لها رافينيا وسجل منها هدف مهم، خلى النتيجه 4-3 لبرشلونه في مباراه كانت صعبه جداً وشبه مجنونه.
اللعبه دي أثارت جدل كبير، وناس كتير من جمهور سيلتا بيقولوا انها مش مستحقه، وان الحكم كان ممكن يتراجع، لكن اللي حصل فعلاً زاد التوتر.
الغريب إن الكاميرات ما جابتش صوت الحوار ده في البث، لكن الموندو قالت إنها وصلت له من مصادر خاصه جوه الاتحاد.
دلوقتي السؤال، هل الشفافيه دي هتستمر؟ ولا بس لأن برشلونه طرف في القصه؟
