الناقد الرياضي محمد الدعيع طلع في تصريحات مثيره للجدل بخصوص مصير المدرب البرتغالي خورخي خيسوس مع نادي الهلال، خصوصاً بعد التراجع الكبير في مستوى الفريق هالموسم واللي خلا الجماهير تفقد ثقتها شوي.
الدعيع قال من خلال ظهور إعلامي إن خيسوس مو واضح مع الهلال، وممكن نشوف قرار إقالته يطلع بعد نهاية بطولة دوري أبطال آسيا للنخبة، واللي الهلال يستعد فيها لمباراة مهمه جداً قدام غوانغجو الكوري الجنوبي.
وأضاف: “الوضع مايطمن، والمدرب طريقته مو مفهومه ولا عنده استقرار، ولو ما حقق شي في البطوله الآسيوية، أعتقد رح يكون خارج أسوار النادي”.
تصريحات الدعيع جت في نفس الوقت اللي بدأت فيه تقارير إعلاميه، محليه وعالميه، تتكلم عن احتمالية تولي خيسوس تدريب منتخب البرازيل بعد ما ينتهي عقده مع الهلال بنهاية الموسم الجاري.
الجمهور الهلالي حالياً منقسم، في ناس تشوف إن خيسوس ما قدر يقدّم الإضافه المرجوه، وإنه حان وقت التغيير، وناس ثانيه تقول إن الفريق محتاج وقت أكثر علشان ينسجم مع أفكار المدرب، خصوصاً بعد ضغط المباريات والإصابات.
الهلال حالياً تحت المجهر، والإداره أكيد تتابع الوضع، لكن القرار النهائي غالباً راح يتحدد على حسب نتائج الفريق في بطولة آسيا، واللي ممكن تكون الفاصل الحقيقي لمستقبل خيسوس مع الزعيم.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
