مانشستر سيتي ناوي يدفع 200 مليون يورو علشان يجيب بيدري من برشلونه الصيف الجاي
قالت كام تقارير صحفيه النهارده الاحد بالليل، إن نادي مان سيتي الانجليزي عندو نيه يقدم عرض خيالي يوصل لـ 200 مليون يورو علشان يشتري لاعب وسط برشلونه بيدري، اللي الناس كلها شايفاه واحد من احسن المواهب الشابه في الكوره دلوقتي.
بيدري عنده 21 سنه بس، وبيتحكم بالكوره بطريقه رهيبه وكمان عنده رؤيه ممتازه في الملعب.
وعلشان كده طبيعي جدا يكون في عيون أندية كبيره في أوروبا، خصوصًا مانشستر سيتي اللي دايمًا بيحب يضم لعيبه صغيرين بس عندهم مستقبل كبير.
الموضوع مش سهل، لإن عقد بيدري مع برشلونه فيه شرط جزائي ضخم جدًا، بيوصل لـ مليار يورو! وده معناه إن حتى العرض الكبير بتاع السيتي لسه بعيد عن الرقم ده.
برشلونه، رغم المشاكل الماليه اللي بيمر بيها، مش سهل يفرط في بيدري. اللعيب ده واحد من اهم عناصر الفريق وبيبنوا عليه المستقبل.
لسه لحد دلوقتي مافيش حاجه رسميه، بس لو العرض بجد، ممكن تكون دي أكبر صفقه في التاريخ لو حصلت!
