خيسوس خلاص برا حسابات البرازيل وأنشيلوتي الأقرب يمسك المنتخب قريب
الفتره الأخيره كترت الكلام عن مصير البرتغالي خورخي خيسوس مدرب الهلال، خصوصًا بعد الإشاعات اللي بتقول إنه ممكن يبقى مدرب منتخب البرازيل الجاي، بس الظاهر الأمور بدأت تتغير بسرعه.
خيسوس لسه عقده مع الهلال مكمل لنهاية الموسم دا، يعني بعد كأس العالم للأنديه 2025، واللي الهلال ناوي ينافس فيها بكل قوته.
الصحفي فابريزيو رومانيو طلع وقال إن في وفد من الاتحاد البرازيلي سافر إسبانيا علشان يقعد مع أنشيلوتي مدرب ريال مدريد، وده بيأكد إنهم عايزينه يدرب السامبا بعد ما يخلص الموسم.
بس المشكله إن كل حاجه متوقفة على موافقة بيريز، رئيس الريال، وخصوصًا بعد الإشاعات اللي بتقول إنه هيمشي من النادي بعد خروجهم من دوري الأبطال.
وده معناه إن فرص خيسوس بقت ضعيفه جدا لتدريب البرازيل، وده خبر حلو لجماهير الهلال اللي عايزينه يكمل مع الفريق، خصوصًا إنه ماشي كويس ومستقر.
الوضع لسه مش نهائي ١٠٠٪، بس المؤشرات كلها بتقول خيسوس باقي مع الهلال.
