رونالدو ممكن يلعب مع الأهلي شهر ويواجه ميسي في أمريكا
الصحافه المصريه عملت حاله جدل كبيره الساعات اللي فاتت بعد ما اتكشفت مفاجأه تقيله عن مستقبل كريستيانو رونالدو نجم النصر السعودي.
عقد رونالدو بينتهي في يونيو الجاي، ولسه مفيش أي كلام رسمي عن التجديد، وده فتح الباب لكتير من الكلام عن احتماليه رحيله.
التقارير قالت إن في احتماليه كبيره إن كريستيانو ينضم للأهلي المصري بشكل مؤقت علشان يشارك معاه في كأس العالم للأنديه اللي هيتلعب في امريكا شهر يونيو.
الأهلي هيشارك في النسخه الاستثنائيه من البطوله، واللي بيشارك فيها ٤٨ فريق لأول مره، واتحط في مجموعه قويه مع انتر ميامي اللي معاه ميسي، وفريق بالميراس البرازيلي وبورتو من البرتغال.
المفاجأه إن فيفا سامح للأنديه اللي هتلعب في البطوله إنها تسجل لعيبه بشكل مؤقت طول فترة البطوله، يعني ممكن فعلا رونالدو ينضم شهر ويرجع تاني للنصر.
وبحسب تقارير تانيه، إن رئيس فيفا إنفانتينو عايز يشوف ميسي ضد رونالدو تاني علشان الضجه الإعلاميه الكبيره.
الماتش الكبير بين الأهلي وإنتر ميامي يوم 15 يونيو.. والعيون كلها مستنيه.
