مدرب إيطالي مشهور يعرض نفسه على الهلال قبل كأس العالم للأنديه
بدأت إدارة الهلال تشتغل بقوه هالفتره علشان تلاقي بديل مناسب للمدرب البرتغالي خورخي خيسوس، بعد ما العلاقة بين الطرفين وصلت لطريق مسدود حسب ما ذكرته تقارير صحفيه.
الهلال داخل على بطولة كأس العالم للأنديه وبيشارك ضمن المجموعه الثامنه مع ريال مدريد وباتشوكا وسالزبورغ، وعلشان كذا يبغون مدرب كبير يمسك الدفه.
الإعلامي خالد القحطاني فاجئ الجمهور لما قال إن المدرب الإيطالي روبيرتو دي زيربي، مدرب مارسيليا الحالي، عرض نفسه على إدارة الهلال بنفسه! وأبدى رغبته الكامله في تدريب الزعيم.
دي زيربي معروف بأسلوبه الهجومي القوي، وسبق له التدريب في الدوري الإنجليزي مع برايتون وحقق نتائج ممتازه، ويعتبر من أبرز المدربين الصاعدين في أوروبا.
المدرب هذا ينضم لقائمة فيها اسماء كبيره زي سيموني إنزاغي مدرب إنتر ميلان، اللي كان اسمه مطروح كمان من قبل.
إدارة الهلال شكلها ناويه على اسم عالمي، يقدر يرفع مستوى الفريق ويحقق طموحات الجماهير محلياً وآسيوياً، خصوصاً مع قرب بطولة مهمه زي مونديال الأنديه.
