مهرجان القاهره السينمائي يعلن فتح التقديم للافلام في دورته الجايه
اعلن مهرجان القاهره السينمائي الدولي عن بدأ استقبال الافلام للمشاركه في الدوره 46، واللي هتكون من 12 لـ 21 نوفمبر 2025، وفتح باب التقديم هيبدأ من النهارده 20 أبريل لحد 1 أغسطس، والتقديم المبكر مستمر لحد 31 مايو الجاي، وده كله هيتم من خلال الموقع الرسمي للمهرجان.
الفنان حسين فهمي، رئيس المهرجان، عبر عن فرحته ببداية التحضيرات وقال احنا متحمسين نستقبل أفلام جديده ومتنوعه تعكس رؤى مختلفه، والسينما بالنسبالنا لغه عالميه وأضاف إن المهرجان دايمًا بيكون منصة لتواصل صناع الافلام والجمهور.
من ناحيته الناقد محمد طارق المدير الفني، قال إنهم بدأوا التحضيرات بدري وبيتوقعوا دورة مميزة زي العاده، وأضاف الأفلام اللي بتتقدم دايمًا بتفاجئنا بمواهب وأصوات سينمائية مبهره
ومن ضمن أخبار المهرجان، تم اختيار فيلم عين حاره للمخرج العراقي ياسر كريم يمثل المهرجان في مبادرة Fantastic 7 في مهرجان كان، ودي مبادره بتركز على النوع الفانتازي والرعب.
يُذكر إن مهرجان القاهره اتأسس سنة 1976، وبيعتبر واحد من أهم المهرجانات في العالم العربي وافريقيا، وكمان معتمد دوليًّا من اتحاد منتجي الافلام FIAPF.
