ليفربول بينافس عاللقب وسلوت يعلن تشكيل ناري ضد ليستر سيتي
أعلن الهولندي آرني سلوت مدرب ليفربول التشكيل الرسمي لفريقه اللى حيلعب بيه قدام ليستر سيتي، فى الجوله الـ33 من الدوري الإنجليزي لموسم 2024-2025، واللى الجماهير مستنيينها بفارغ الصبر.
ليفربول داخل المباراة وهو منتعش بعد ما كسب وست هام فى الجولة اللى فاتت بنتيجه 2-1، وده خلى الفريق يقرب جدًا من التتويج بالدوري، ومش فاضل له غير 6 نقاط علشان يتوج رسميًا باللقب رقم 20 فى تاريخه.
التشكيل جه متوقع وبيأكد إن سلوت حيبدأ بخطته المعتادة 4-3-3، وبيظهر فيها الثلاثي الهجومي الناري محمد صلاح، ولويس دياز، وكودي جاكبو، اللى دايمًا بيشكلوا خطورة قدام أى دفاع.
جاء التشكيل كالآتى:
في حراسة المرمي: أليسون
الدفاع: برادلي، فان دايك، كوناتي، تسيميكاس
الوسط: جرافنبرخ، سوبوسلاي، ماك أليستر
الهجوم: صلاح، دياز، جاكبو
وعلى الدكة، قاعدين نجوم كبار زى داروين نوينز، جوتا، أرنولد، وروبيرتسون، يعني عنده حلول كتير لو احتاج يغير شكل اللعب.
ليفربول بيحاول يخلص الدوري بدري ويريّح لاعيبته قبل المعارك الأوروبيه، وسلوت شكله مش ناوي يرحم!
