جريمة مرعبه بتركيا بطلتها ممثله مشهوره وطعنت صاحبتها 30 طعنه
اتحولت ليله كانت مفروض تبقى مليانه ضحك ومرح، لجريمه بشعه هزت تركيا كلها، بعد ما اتهمت الممثله التركيه المعروفه سيفيل اكداغ بقتل صحبتها أليف كيراف بـ30 طعنه جوه شقتها، بعد ما كانوا راجعين من سهرة شربوا فيها كميات كبيره من الكحول.
حسب التحقيقات، أول ما دخلوا البيت قامت خناقه جامده بينهم، وسيفيل قالت في اقوالها إنها اتضربت من أليف، وإنها كانت بس بتحاول تدافع عن نفسها بس تقرير الطب الشرعي كذب الكلام ده وقال إن عدد الطعنات الكبير بيوضح إنها مش كانت بتحمي نفسها، لأ دي كانت ناويه تقتل.
الجيران سمعوا صريخ عالي وبلغوا البوليس، واللي جه ولقى جثه أليف وسط دم كتير أم الضحيه كانت بتحاول تتصل ببنتها ولما ما ردتش، راحت الشقه ولقت الكارثه قدام عنيها.
سيفيل اتقبض عليها بعد ما ظهرت في كاميرات المراقبه وهي هربانه من العماره، وتم تقديمها للمحكمه، وممكن تواجه حكم بالسجن المؤبد، وكمان هيتم عرضها على أطباء نفسيين عشان يتأكدوا من حالتها وقت الجريمه.
الجريمه دي خلت ناس كتير مصدومين، خصوصا إن المتهمه معروفه في أدوار كتير زي السحر الاسود والتفاح الممنوع
