مهرجان الإسكندريه للفيلم القصير يكرم أحمد مالك بجايزة هيباتيا الذهبيه
أعلنت إدارة مهرجان الإسكندريه للفيلم القصير عن تكريم الفنان أحمد مالك بجايزة هيباتيا الذهبيه للإبداع، في الدوره الحادية عشر اللي حتبدأ من 27 إبريل ولحد 2 مايو الجاي.
أحمد مالك من الممثلين الشباب اللي أثبتو نفسهم بقوه في الفتره الأخيره، وقدم أعمال كتير ناجحه سواء في السينما أو الدراما، وكمان كانت ليه تجارب عالميه فتحت له أبواب برا مصر.
من أول ظهوره في مسلسل “الجماعه” لما جسد دور حسن البنا صغير، والناس شافت فيه ممثل واعد، وبعدها شارك في أعمال زي “الشوارع الخلفيه” و”حكاية حياة” و”لا تطفئ الشمس” و”بيمبو”، وآخرهم “ولاد الشمس” اللي كان له دور في فكرته كمان.
وفي السينما، مالك قدم أفلام مهمه زي “هيبتا”، “شيخ جاكسون”، “اشتباك”، و”عيار ناري”، بجانب فيلمه العالمي “حارس الذهب” اللي شارك فيه برا.
المهرجان من تنظيم جمعيه دائرة الفن، وبرعاية وزارة الثقافه ومحافظة إسكندريه وجهات تانيه، والجميل إن الجوايز اللي بتتوزع فيه بقي ليها تأهيل رسمي للأوسكار من النسخه الجايه، وده إنجاز كبير للمهرجان ولصناعة الفيلم القصير عمومًا.
