رئيس الوزراء يتابع مع وزير التعليم ملفات تطوير المدارس والتكنولوجيا والرقمنة
إلتقى اليوم رئيس مجلس الوزراء د. مصطفى مدبولي، وزير التربيه والتعليم محمد عبداللطيف علشان يتناقشو فـ شوية ملفات مهمه تخص التعليم.
مدبولي قال إن الدوله مهتمه جدًا بقطاع التعليم لأنه اساس فـ بناء الإنسان المصري، وكمان أشار إن فيه توجيهات من الريس السيسي بضرورة تحسين مستوى التعليم، وخصوصًا المجالات اللي ليها علاقه بالتكنولوجيا الحديثه زي الذكاء الاصطناعي والرقمنه علشان الطلب عليهم بيزيد في سوق الشغل.
وأكد مدبولي كمان إن الدوله ناويه تزود الاستثمارات في التعليم، وده يشمل كمان التعليم الفني عشان ليه دور كبير فـ تطوير رأس المال البشري.
من ناحيته، قال وزير التعليم إن الوزاره شغاله على إنها تربط المناهج باحتياجات سوق العمل، وبتجهز متعلمين عندهم مهارات تفكير وتقنيه وتكنولوجيه.
كمان أتكلم عن خطه الوزاره السنه الجايه 2025 – 2026، واللي بتركز على بناء فصول جديده وتطوير المدارس الأديمه خصوصًا في المناطق المحرومه، وتقليل تكدس الفصول علشان جودة التعليم.
وأشار الوزير إنه بيكمل جولات في المحافظات زي كفر الشيخ والدقهليه والقليوبيه علشان يتابع مستوى الطلاب، وكمان شارك في مؤتمر “تنمية القدرات البشريه” في السعوديه، واتكلم هناك عن التجربه المصريه، واتفق مع شركة جوجل على التعاون لفتح مدرسه تكنولوجيا تطبيقية في مصر.
الوزير بيأكد إن الشراكه مع القطاع الخاص هتكون مهمه جدًا للمرحله الجايه، خصوصًا فـ المدارس التطبيقيه.
