ريهام عبد الغفور ترد على المتنمرين وتؤكد: “مشاعر أولادي بتتأذى”
ردت الفنانة ريهام عبد الغفور على الانتقادات اللي جاتها من بعض المتنمرين على شكلها، بعد ما نشروا تعليقات سلبية على الفيديوهات اللي بتنزلها عبر “تيك توك”.
كانت ريهام في الفترة الأخيرة بتنزل كواليس أعمالها على “تيك توك”، وكان في تعليقات بتتكلم عن إنها كبرت وشكلها بقى أكبر بكتير.
وقالت ريهام في ردها: “ممكن تتناقشوا في موضوع إني كبرت وعجرت وشكلي بقى عنده 70 سنة في حتة تانية غير صفحتي عشان مشاعر أولادي بتتأذى لما يشوفوا أن أمهم بيتم التنمر عليها عشان حاجة مش في إيدها”.
الجمهور تفاعل مع كلام ريهام ودعموها، وقالوا إنها جميلة زي ما هي وإن أي تغير في شكلها ممكن يكون بسبب الحزن بعد وفاة والدها الفنان أشرف عبد الغفور.
وعلى الصعيد الفني، ريهام عبد الغفور شاركت في رمضان 2025 بمسلسل “ظلم المصطبة”، اللي تم عرضه في النصف الثاني من الشهر الكريم، وهو من تأليف أحمد فوزي صالح وإخراج هاني خليفة ومحمد علي، وشارك في البطولة مع إياد نصار، فتحي عبد الوهاب، بسمة وآخرين.
