في تصريح مهم من عبد المحسن سلامه، المرشح لمنصب نقيب الصحفيين، اعلن إنه قدر يوصل لإتفاق مع وزارة الإسكان يضمن للصحفيين اكبر عدد وحدات سكنيه في تاريخ النقابه، وقال إن المشروع بيضم 1500 شقه سكنيه من وزارة الإسكان، وده غير قطع اراضي كمان هتكون متاحه للصحفيين.
سلامه وضح في لقائه مع صحفيين إن الوحدات بتتنوع ما بين إسكان إجتماعي وشباب ومميز، علشان تناسب احتياجات الزملاء المختلفه، وكمان أماكن الشقق دي منتشره في مدن متنوعه وأكد إن في تسهيلات كبيره في الدفع، وإن الأولويه هتكون للزملاء اللي ماخدوش شقق من النقابه قبل كده.
وقال كمان إنه هيعلن باقي التفاصيل في مؤتمر صحفي يوم التلات الجاي، من ضمنها الأسعار وأماكن الشقق بالظبط، وأكد إن المشروع ده يعتبر أضخم مشروع سكني للصحفيين، وبيشمل شقق وأراضي كمان، وده كله في إطار دعم وتحسين وضع الصحفيين المعيشي.
الزملاء استقبلوا الخبر بترحيب كبير، ومستنيين المؤتمر علشان يعرفوا التفاصيل بالكامل.
شارك المقال
أحدث الأخبار
أخبار ذات صلة
بنك مصر والبنك الأهلي يسهّلان فتح الحسابات للمصريين بالخارج عبر مبادرة “افتح حسابك في مصر”
توقيع اتفاقية تعاون لإنتاج الغاز الحيوي بين وزارة البيئة وشركة إيني الإيطالية
الهيئة العامة للمنطقة الاقتصادية لقناة السويس توقع بروتوكول تعاون مع الأكاديمية العربية للعلوم الإدارية والمالية والمصرفية
الهيئة العامة للمنطقة الاقتصادية لقناة السويس تحصل على تمويل مصرفي بقيمة 30 مليار جنيه
عمرو طلعت يبحث تعزيز الاستثمار المصري في تكنولوجيا المعلومات والإلكترونيات خلال زيارة فيتنام
