الهيئه العامه للأرصاد الجويه قالت إن الجو هيكمل حراره عاليه بكرا يوم الاتنين 21 أبريل 2025، وده على أغلب المناطق في مصر، وهيسود طقس حار في النهار، وخصوصاً في القاهرة والوجه البحري، وهيكون مائل للحراره على السواحل الشماليه الشرقيه، وشديد السخونه في الجنوب خصوصاً في الصعيد، أما بالليل الجو هيبقى مائل للبروده شوية في معظم الأنحاء.
كمان الأرصاد نبهت إن هيكون في شبوره مائيه الصبح، ممكن تكون تقيله في بعض الأماكن، خصوصاً الطرق الزراعيه والسريعه اللي رايحه جايه من وإلى القاهره الكبرى، والوجه البحري، والسواحل الشماليه، ومدن القناه، ووسط سينا وشمال الصعيد يعني اللي نازل بدري ياخد باله.
الرياح كمان هتنشط أحياناً على بعض المناطق، وممكن تكون الرياح دي شايله تراب ورمله، وده هيكون غالباً في غرب البلاد.
أما بخصوص درجات الحراره المتوقعه، فهي كالتالي:
- القاهره: العظمى 33، والصغرى 25.
- اسكندريه: العظمى 34، والصغرى 21.
- مطروح: العظمى 35، والصغرى 22.
- سوهاج: العظمى 37، والصغرى 18.
- قنا: العظمى 39، والصغرى 20.
- أسوان: العظمى 39، والصغرى 22.
يعني اللي نازل يجهز نفسه، ويلبس خفيف في النهار، وياخد جاكيت خفيف للمساء، وياخد حذره من الشبوره والرياح.
شارك المقال
أحدث الأخبار
أخبار ذات صلة
بنك مصر والبنك الأهلي يسهّلان فتح الحسابات للمصريين بالخارج عبر مبادرة “افتح حسابك في مصر”
توقيع اتفاقية تعاون لإنتاج الغاز الحيوي بين وزارة البيئة وشركة إيني الإيطالية
الهيئة العامة للمنطقة الاقتصادية لقناة السويس توقع بروتوكول تعاون مع الأكاديمية العربية للعلوم الإدارية والمالية والمصرفية
الهيئة العامة للمنطقة الاقتصادية لقناة السويس تحصل على تمويل مصرفي بقيمة 30 مليار جنيه
عمرو طلعت يبحث تعزيز الاستثمار المصري في تكنولوجيا المعلومات والإلكترونيات خلال زيارة فيتنام
