حرس الحدود بيواصل ضرباته للمهربين والإرهابيين بكل الإتجاهات الإستراتيجيه
ضمن تعليمات القياده العامه للقوات المسلحه بتشديد الحمايه والتأمين ع كل الاتجاهات الاستراتيجيه، بتكمل قوات حرس الحدود شغلها القوي ضد المهربين والعناصر الإجراميه اللي بتحاول تعبث بأمن البلد، وبتمنع محاولات كتير بيتم التخطيط ليها علشان تضر الأمن القومي المصري.
الايام اللي فاتت، قدرت القوات إنها توقف عدد كبير من محاولات تهريب أسلحه وذخاير، وكمان كميات كبيره من المواد المخدره زي الحشيش والبانجو والهيروين والافيون وكمان أقراص مخدره، ده غير بضايع مالهاش أوراق جمركيه رسميه.
مش بس كده، دا كمان تم إحباط محاولات هجره غير شرعيه من ناس بتحاول تتسلل برا البلد بشكل مخالف للقانون، وكمان في ناس كانت بتحاول تنقب عن الدهب في الصحراء من غير ترخيص، لكن التفتيشات والكمائن اللي بتعملها القوات فضحتهم.
القوات دلوقتي عامله سيطره أمنيه محكمه على الطرق والممرات ف كل الاتجاهات، سواء حدود بحريه ولا بريه، وبتشتغل ليل نهار علشان البلد تفضل في أمان، وكل حد بيحاول يضرها يتقبض عليه ويتحاسب.
الرساله واضحه: مفيش حد فوق القانون، وحرس الحدود مش سايبين حاجه للصدفه، واللي بيفكر يخالف القانون، نهايته معروفه… السجن.
