دي بروين يودع السيتي بعد 10 سنين ومتفاجئ من قرار الرحيل
كيفين دي بروين، نجم وسط مانشستر سيتي، قال إنه اتفاجئ من عدم تقديم النادي اي عرض لتجديد عقده، رغم إن عقده هينتهي بنهاية الموسم ده، وأكد رسميًا رحيله بعد مسيرة استمرت 10 سنين.
وقال دي بروين في تصريحات لقناة BBC ماجليش أي عرض من السيتي طول السنه لتجديد العقد، واضح إنهم خدوا قرارهم خلاص
وأضاف اتفاجئت شوية بصراحه، بس لازم أتقبل الموضوع، أنا شايف إني لسه أقدر ألعب في المستوى العالي، بس كمان فاهم إن الأندية بتاخد قرارات حسب رؤيتها
وأشار إنه منفتح على كل الخيارات، وبيفكر في مستقبله من كل الزوايا الرياضة، العيلة، والمنطق.
وتابع أنا بحب الكوره، بحب التنافس، ولسه بحس إني عاوز اغلب اللاعبين في كل تمرين
دي بروين انضم للسيتي سنة 2015 من فولفسبورج، وخلال الـ10 سنين دي، حصد 18 بطولة، منهم 6 دوري إنجليزي، ودوري أبطال أوروبا، وسوبر أوروبي، وكأس إنجلترا، ورابطة المحترفين، وسوبر إنجليزي دلوقتي، بينهي رحلته مع السيتي، بس لسه عنده شغف يكمل المشوار في مكان تاني.
