ظهرت النجمه العالميه جينيفر لوبيز بنضاره شمس مميزه من تصميم المصريه هاديه غالب، وده كان خلال تواجدها في مدينه جده السعوديه، ضمن فعاليات جائزة السعوديه الكبرى للفورمولا 1، يوم السبت 19 ابريل، واللي عملت فيه حفله ضخمه على كورنيش جده.
قبل الحفله، زارت جينيفر لوبيز مقر تيم “فيراري” وهي لابسه بدله جلديه لونها وردي، ومعاها نضاره بنفس اللون من تصميم هاديه غالب، النضاره شكلها مميز وفيها نجمه من الجنب وسعرها على الموقع حوالي 11 الف جنيه.
هاديه غالب عبرت عن فرحتها الكبيره إن جينيفر لبست من تصميمها، وقررت تسمي النضاره باسم اختصار “جينيفر لوبيز” تكريم ليها.
الحفله دي كانت أول حفل ضمن جولتها الغنائيه الجديده لسنة 2025 بعنوان “Up All Night Live”، وظهرت فيه باكتر من لوك، واحد اسود في ابيض، والتاني باللون الاحمر.
قدمت جينيفر في الحفله اشهر اغانيها زي “On The Floor” و”Ain’t Your Mama”، وكان في استعراضات جامده وتفاعل كبير من الجمهور.
وجينيفر هتقدم حفله كمان في مصر شهر يوليو الجاي في شرم الشيخ ضمن جولتها.
شارك المقال
أحدث الأخبار
أخبار ذات صلة
جومانا مراد تخطف الأنظار بإطلالة راقية وتستعد لتصوير خلايا رمادية
كارلا شمعون تشارك في الدورة الأولى من مهرجان صدى الأهرامات
مونيكا بيلوتشي تكشف عن مشاركتها في فيلم Seven Dogs مع أحمد عز
منى زكي تتألق بإطلالة أنيقة في احتفالية Vogue World: Hollywood
محمد سلام يتألق في احتفالية وطن السلام ويثبت موهبته الكوميدية والدرامية
