سيمبا يحسم موقعة الذهاب قدام ستيلينبوش بهدف ويتجه للإياب بجنوب أفريقيا
فريق سيمبا التنزاني قدر يحقق فوز مهم على ستيلينبوش الجنوب أفريقي، بنتيجه 1-0، في ماتش ذهاب نصف نهائي الكونفدراليه الإفريقيه، واللي اتلعب النهارده الأحد على ملعب مكابا الوطني.
الهدف الوحيد جه عن طريق جون شارل اهوا في الدقيقه 45+2 قبل نهاية الشوط الأول، وده اللي خلى سيمبا يخرج من الماتش بأفضلية بسيطه قبل مواجهة العوده اللي هتكون يوم 27 إبريل في جنوب أفريقيا.
ستيلينبوش وصل لنص النهائي بعد ما فاجئ الزمالك وأخرجه من البطوله، بعد ما كسب في الإياب بهدف وحيد، وكان الذهاب انتهى 0-0 أما سيمبا فكان عمل ريمونتادا قويه قدام المصري البورسعيدي، وخسر الذهاب 2-0، لكن كسب الإياب بنفس النتيجه، وراح لركلات الترجيح اللي تألق فيها وخطف بطاقة العبور.
الاتنين، سيمبا وستيلينبوش، بيحلموا باللقب الأول في تاريخهم في بطولة الكونفدراليه، وولا واحد فيهم لعب في النهائي قبل كده، فالماتش الجاي هيكون نار وكل فريق هيحاول يكتب تاريخه ويقرب من التتويج.
